Bótasnos unha man?

As nosa exposicións sempre están a percura de novos lugares nos que saír á luz en toda Galicia. Asociacións de veciños, centros de ensino, asociacións culturais, locais de ocio... Temos diversas exposicións sobre temáticas moi diversas:

• O son das buguinas: sobre a tsunami que asolou as costas doÍndico.
• Penso, logo actúo: que trata os temas que afectan á nosa vida e ao desenvolvemento desigual do mundo, como os medicamentos xenéricos, o monopolio do café, a xestión da enerxía ou a auga, a fame...
• Maquila boutique: unha exposición de carácter artístico e informativo sobre a explotación no mundo do téxtil.
• Voces desde Tiruchy: resultado dun concurso realizado no ano 2003 entre a comunidade beneficiaria do proxecto UDP Tiruchy, en Voces elas e eles mesmos fálannos da súa comunidade e do que o proxecto significou para ela a través de relatos, debuxos e pequenas representacións teatrais.

E moi pronto teremos outras dúas: unha sobre o ciclo formativo Vanakkam (que se desenvolve en parte en Galicia e en parte na India) e outra sobre os dez anos de traballo de Implicadas. Interésache? Xa sabes onde estamos.

Precisamos voluntari@s para manter a páxina web actualizada. O único que fai falta é ter ordenador, acceso a internet e uns coñecementos básicos de HTML. Tamén podes axudar coa traducción dos textos do galego ó castelán e vice versa, se así o prefires. Anímaste?

Por suposto, IND sempre ten os brazos abertos a todas as persoas que queran facerse socias ou voluntarias na nosa organización, pedir información ou facer unha doazón puntual, sexan cartos ou material. Implícate! Tamén precisamos máis socias/os Únete!